Maonesho ya vyuo yafana Dodoma

Posted on: June 7th, 2022

Maonesho ya kwanza ya Baraza la Taifa la Elimu ya Ufundi na Mafunzo ya ufundi Stadi (NACTVET) yameanz leo katika uwanja wa Jamhuri Jijini Dodoma kwa vyuo vyote vya Elimu ya kati na vyuo vya ufundi kuonesha vitu na kozi  mbalimbali zinazotolewa  na vyuo hivyo.

Tangu leo mapema watumishi kutoka vyuo mbalimbali vilionekana wakiingiza vifaa kwa ajili ya kufanya maonesho kwa wananchi wa mkoa wa Dodoma na wa mikoa jirani kuweza kupata firsa ya kutembelea na kujua vitu mbalimbali kutoka kwa vyuo hivyo.

Kwa siku ya kwanza alionekana Mkuu wa Mkoa wa Dodoma Mhe.Anthony Mtaka akitembelea baadhi ya mabanda likiwemo banda la Chuo cha Serikali za Mitaa.

Mara baada ya kutembelea mabanda katika uwanja huo Mheshimiwa Mtaka alionesha hali ya kuridhika na jinsi vyuo vilijiandaa kwani pamoja na kuwa ni siku ya kwanza lakini bado waoneshaji wameonekana kuhamasika na maonesho hayo.

“Kwanza nashukuru kwa NACTIVET kukubali ombi langu la maonesho ya mwaka la kuwataka na mwaka huu wafanye maonesho haya mkoani Dodoma na walikubali lakini la pili nimefurahi kuona karibu vyuo vyote vinavyosimamiwa na NACTVET vimeshiri pamoja na vyuo waalikwa na kiukweli maonesho ya mwaka huu yatavutia watu wengi wa Dodoma” Alisema Mheshimiwa Mtaka.

Akiwa katika banda la Chuo cha Serikali za Mitaa mheshimiwa Mkuu wa Mkoa aliwashauri viongozi wa Chuo hicho kuanzisha masomo ya jioni kwani kwa kuanzisha masomo ya jioni katika kampasi iliyopo katikati ya mji itawasaidia wafanyakazi kuiweza kupata elimu bila kuathiri shughuli zao za kiofisi.

Akizungumzia jinsi walivyojipanga kwenye siku ya ufunguzi itakayofanyika rasmi tarehe 10/06/2022 siku ya Ijumaa na kufunguliwa na Makamu wa Rais wa Jamhuri ya Muungano wa Tanzania Mhe.Philip Mpango Mheshimiwa Mkuu wa Mkoa aliwataka wananchi wa Mkoa wa Dodoma kujitokeza kwa wingi kwani maonesho hayo hayana kiingilio.

Pia  Mheshimiwa Mkuu wa Mkoa aliwataka walimu wakuu wa shule za sekondari hasa zilizopo Dodoma mjini wawaruhusu wanafunzi wao kutembelea kwenye maonesho hayo ili wapate kujifunza mambo mbalimbli.

Kwa upande wake Naibu Mkuu wa Chuo Taaluma wa Chuo cha Serikali za Mitaa Dkt.Michael Msendekwa alisema kuwa wamefurahi kwa Mkuu wa Mkoa wa Dodoma kutembelea katika banda la Chuo hicho kwani inaonesha jinsi gani viongozi wanakipa kipaumbele Chuo cha Serikali za Mitaa.

“Pia tuseme kuwa tumepokea ushauri kutoka kwa Mkuu wa mkoa wa Dodoma wa kututaka kuanzisha masomo ya jioni, tutaenda kukaa katika vikao vya kisheria ili tuone hili alilolisema Mheshimiwa Mtaka tunalifanyia kazi” Alisema Dkt.Msendekwa.

Vilevile Naibu Makamu huyo alitoa wito kwa wanafunzi walihitimu kidato cha nne na wenye sifa za kujiunga na Chuo waweze kufanya maombi ya kujiunga na chuo kwa mwaka wa masomo wa 2022/2023 unaotarajiwa kuanza mwezi septemba 2022.