Maombi kwa njia ya Mtandao yarejea LGTI

Posted on: June 9th, 2022

Maombi ya kujiunga na Chuo cha Serikali za kwa mwaka wa masomo 2022/2023 kwa njia ya mtandao yameanza rasmi leo kwa wanafunzi mbalimbali wanaotembelea kwenye tovuti ya Chuo hichi kuweza kufanya maombi hayo bila shida yoyote.

Wanafunzi na baadhi ya wazazi walionekana wakitembelea katika banda la Chuo cha Serikali za Mitaa  kwenye maonesho ya Baraza la Taifa la Elimu ya Ufundi na Mafunzo ya ufundi Stadi  yanayoendelea katika uwanja wa Jamhuri jijini Dodoma wamefurahia kuanza kwa udahili kwa njia ya mtandao kwani kwa kutumia njia hiyo kutawasaidia wao kufanya maombi hayo hata wakiwa nyumbani kwao kwa kutumia simu zao za mkononi.

"Sisi kama wanafunzi tumefurahi sana kwa kuanza kwa mfumo huu wa maombi ya mtandao kwani itatupunguzia usumbufu wa kwenda posta au kuscan na kutuma kwa njia ya barua pepe kwani mfumo huu unaweza kuufanya hata ukiwa nyumbani muda wowote"  Alisema Agnes Robert Mwanafunzi aliyehitimu kidato cha nne mwaka 2021.

Kwa sasa wanafunzi wanaweza kufanya maombi yao kwa urahisi kupitia mfumo huo unaopatikana kwenye tovuti ya Chuo.

Kuweza kufanya maombi hayo tafadhali bonyeza hapa: Online Application System