LGTI yaingia mikataba ya Zaidi ya milioni 270

Posted on: March 10th, 2022

Chuo Cha Serikali za Mitaa kimesaini mikataba mbalimbali yenye thamani ya shilingi milioni 274,260,362 na wazabuni wa usambazaji wa vifaa.

Mikataba hiyo imesainiwa leo na Mkuu wa Chuo hicho Dkt.Mpamila Madale ni ya ununuzi wa vitabu kwa ajili ya miongozo kwa wanafunzi wenye thamani ya shilingi milioni 48,625,000 kutoka Mzumbe Book Project, vitabu vya kujibia mitihani wenye thamani ya shilingi135,700,000 kutoka Kesanya General Suppliers na  mkataba wa kusambaziwa vitabu vya kiada na ziada ili kuongeza idadi ya vitabu kwenye maktaba ya chuo wenye thamani ya shilingi milioni 89,935,362 kutoka Malore Internatinal.

Akizungumza kabla ya utiaji saini mikataba hiyo Mkuu wa Chuo aliwataka wazabuni hao kuisoma vizuri na kuilewa mikataba hiyo, kutunza maadili ya kazi zao kwa kuhakikisha pamoja na kuwa na nyaraka bora pia aliwataka kuhakikisha nyaraka zote ambazo hazihitajiki wanaziteketeza ili zisisambae hovyo  mitaani.

“Nawaomba kila mmoja atekeleze majukumu yake kwa mujibu wa mkataba ili tupate bidhaa bora na sisi kama chuo kwa upande wetu tutafanya yote yaliyomo kwenye mkataba” Alisisitiza Mkuu wa Chuo.

Vile vile Dkt. Madale aliwataka wazabuni hao kuzingatia utunzaji wa mazingira wakati wote wa mkataba kwa kutengeneza bidhaa zisizoharibu mazingira.

Wakiongea mara baada ya kusaini mikataba hiyo bwana Hyacinth Komba kutoka Mzumbe Book Project alisema kwa upande wao watahakikisha wanatimiza yote yaliyomo kwenye mkataba kwa wakati ili wasikwamishe kazi za chuo.

Kwa upande wake Mkurugenzi wa Kesanya General Suppliers bwana Shadrack Nyakire alishukuru kwa kuingiwa kwa mikataba hiyo na kumhakikishia mkuu wa chuo kutoa huduma bora Pamoja na changangamoto za usafiri wa ndege wakati wa kuleta vifaa hivyo kutoka nje ya chuo.

Akifunga hafla hiyo ya utiaji wa Saini wa mikataba Mkuu wa Chuo Dkt.Madale amesema kuwa pamoja na changamoto hizo za usafiri lakini wanapaswa kuhakikisha wanaagiza vifaa mapema ili viweze kufika kwa  wakati n ahata kama vikichelewa itolewe taarifa kwa uongozi wa chuo kwa maandishi na kuleta Ushahidi wa kuthibitisha uchelewaji huo.